منتديات الفراشة

كلاسيكي
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 رواية جرح زمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????????
زائر



مُساهمةموضوع: رواية جرح زمان    الأحد نوفمبر 21, 2010 8:42 am

رواية (جرح زمان )
كاتبة الروايه (ملاك )
بداية الروايه

ــــــــــــــــــــــــــــــــــــــــــــــــــــــــــ
في بيت ابو راكان {رجل اعمال كبير وناجح ومدير شركات كثيره }
ابو راكان (54)
ام راكان (48)
راكان (23)
وريف (19)
شذى (15)
عبدالله(10)
ــــــــــــــــــــــــــــــــ
في بيت ابو ناصر {رجل اعمال شريك مع اخوه ابو راكان }
ابو ناصر (53)
ام ناصر(47)
ناصر (23)
البندري (19)
رهف (15)
سعود(10)
ـــــــــــــــــــــــــــــــــــــــــ
عائلة ابو نواف {موظف ،وهو زوج اخت ام ناصر .يعني ام نواف وام ناصر اخوات }
ابو نواف (49)
ام نواف (45)
نواف(20)
الهنوف(18)
نور(14)
رغد(9)
ــــــــــــــــــــــــــــــــــــــــــــــــــــ
عائلة ابو فيصل {زوج اخت ام راكان ’يعني ام راكان وام فيصل اخوات ) {موظف بشركه معروفه بالبلد ويصير مساعدج المدير }
ابو فيصل (56)
ام فيصل (44)
فيصل (22)
العنود(18)
محمد (17)
رغد (15)
ـــــــــــــــــــــــــــــــــــــــــــــــــــــ
عائلى ابو يعقوب { جيران بيت ام ناصر , ابو يعقوب يشتغل شغلتين باليوم عشان اولاده *)
ابويعقوب ( 56)
ام يعقوب (44)
يعقوب (24)
ساره (20)
سوسن (18)
سهى نهى (17) توأم
ـــــــــــــــــــــــــــــــــــــــــــــــــــــــــــــــــــــــــــ
البارت الاول
في بيت ابو راكان
وريف تكلم بجوال بنت عمها البندري
وريف : يالله باي باي سوسن
سوسن : طيب ليش
وريف : بعدين اكلمك
البندري : وش تسوين
وريف : هاااا
البندري : ليش تكلمين بجوالي
وريف : كيفي
البندري : باخذ جوالك وبقول كيفي
وريف : تحلمي
البندري صفعتها بالمخده وسكرت الباب وطلعت
ــــــــــــــــــــــــــــــــــــــــــــــــــــــــــــــــــــ
في بيت ابو نواف
رغد : نور والهنوف يالله غدا
طبعا الخوات نايمين
ام نواف : رغد ... رغد
رغد : نعم ماما
ام نواف : رغد ناديتي على اخواتك نور والهنوف
رغد : ناديت عليهم بس نايمين مايردون لا حياة لمن تنادي
ام نواف : قلعتهم
ابو نواف نازل من على الدرج : وين البنات
ام نواف ك نايمين مايبون غدا
ابو نواف : كيفهم
رغد : قول قلعتهم لا تقول كيفهم
نور : نعم ياست رغد
رغد ترقع لنفسها : بابا يقول قلعتهم قلت له قول كيفهم لاتقول قلعتهم
نور :آهااأآآأ
ابو نواف : هههههههههههههههههههههه طول عمرك كذابه
نواف طالع من الحمام : من هي اللي طول عمرها كذابه
ابو نواف : تعال كل وانت ساكت
نواف : افا
ام نواف جالسه تاكل مب فاضيه
طلعت الهنوف من دارها ودخلت الحمام واخذت شاور بسيط وربطت شعرها ذيل حصان ولبست بجامه قطن مريحه وطلعت
ـــــــــــــــــــــــــــــــــــــــــــــــــــــــــــــــــــــ
في بيت ابو فيصل (فيصل يكلم نواف على الجوال )
فيصل :صباااااحو نواف
نواف : اي صباحو الحين ظهر
فيصل : والله بكيفي انا عندي صباح
نواف : الحمد لله والشكر
فيصل : تروح الكفيتيريا
نواف : قهوه على حسابك
فيصل : اوكي يالبخيل
نواف : بطلت روحه
فيصل : فكه وفرت علي فلوس
نواف : بل بل بل بل بل لهالدرجه بخيل
فيصل : ليش اصير كريم
نواف : عشان تعطيني فلوس
فيصل : وش مستفيد من وراك
نواف : البنات
فيصل : هههههههههههههههههه
نواف : جب جب
فيصل : يجبك
نواف : افا
فيصل : هاهاهاهاهاهااه
نواف : بروح البيت
فيصل : رووووح
نواف : بشاورك
فيصل : يالله يالله توكل
نواف : باي
ــــــــــــــــــــــــــــــــــــــــــــــــــــــــــــ
في بيت ابو يعقوب
ساره راجعه من الدوام : السلام عليكم
سهى ونهى يستهبلو : وعليكم السلام كيف الحال انشاء الله بخير
ساره : كنت بخير لكن بصراحه لمن شفت وجوهكم صرت ماني بخير
سهى : افا
نهى : اي والله افا
ساره : اقول طسوا ترى ماني فاضيه لكم انتو الثنتين
نهى : جب يالله بس
ساره : بعد , الجنون جنون وقلة العقل مصيبه
سهى : انتي لجنون جنون وقلة العقل مصيبه
ساره : ههههههههههههههههه الله يعينكم على بعض
وراحت دارها : هههههههههههه
ـــــــــــــــــــــــــــــــــــــــــــــــــــــــــــــــــــــــــــــــــــــــ
عائلة ابو نواف :
ام نواف : الهنوف
الهنوف : نعم يما
ام نواف : اليوم جيينا ضيوف
الهنوف : اي
ام نواف : تسحبي وتجهزي والبسي ثياب حلوه وحطي مكياج خفيف وناعم
الهنوف : حاظر عمتي
ام نواف : يالله يالله بس روحي تجهزي ترى الحين بيجونا الضيوف
الهنوف : الحيييين
ام نواف : اي الحين يالله روحي تجهزي بسرعه
الهنوف : مايمديني اتجهز بسرعه يبيلي ساعه او ساعتين
امنواف : حدك ساعه
الهنوف : بشوف اذا كفاني الوقت
ام نواف : اذا ماكفاك بعطيك نص ساعه زياده من عندي
الهنوف : اوكيه وراحت بسرعه ركبت فوق
تسبحت ولبست تنوره قصيره بنفسجيه غامقه وبلوزه بنفيجيه فاتحه واستشورت شعرها ولبست بوت ابيض ونزلت دخلت الميلس

الهنوف مستحيه : السلام عليكم
ام نواف : تعالي اش فيك مستحيه
ودخلت بأرتباك شوي وتطيح بس الله ستر راحت وجلست جنب امها شوي وتدخل بأمها
ام ناصر : ياهلا ياهلا ببنيتي هلا والله
الهنوف : هلا فيك خالتي
جلست خمس دقايق وطلعت
ام نواف : ماقعدتي شي ليش طلعتي
ام ناصر : خلها تطلع ابيك بموضوع
ام نواف : خير
ام ناصر : انشاء الله خير
ام نواف : قولي قطعتي قلبي
ام ناصر : ابي اخطب بنتك الهنوف لناصر ولدي
ام نواف : هذي الساعه المباركه . بس بنشاور البنت
ام ناصر : خذو راحتكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في الشارع اللي جنب بيت ابو ناصر . كانت ام ناصر مي بالبيت ببيت ابو نواف . ناصر وعبد الله يتكلمون

عبد الله : امك وين راحت انت
ناصر : راحت تخطب لي
عبد الله : مبروووك
ناصر : خل البنت توافق اول وبعدين قول بمبروك
عبد الله : واذا ماوافقت
ناصر : فال الله ولا فالك
عبد الله : ليش انا قلت اذا
ناصر : لاتقول
عبد الله : لييش ؟
ناصر : انا ابيها
عبد الله : بغى بوزك
ناصر : بغى بوزك انت
عبد الله : ادلف بس ادلف
قطع عليهم كلامهم جوال ناصر يرن
ام ناصر : الو هلا ناصر
ناصر : هلا ههلا
ام ناصر : البنت حلوه
ناصر نسى عمره : ادري
ام ناصر : من متى
ناصر : قلبي يقول لي انها حلوه تخقق
ام ناصر : تبيها والا لا
ناصر : ابيها
ام ناصر : بس يقولون بيشاوروا البنت
ناصر : ياخذون راحتهم
ام ناصر : يالله باي باي
وسكرت بدون ماتسمع رده
ناصر : سكرت الغبيه
عبد الله : باعلم
ناصر : قصدي قصدي قصدي
عبد الله شنو قصدك
ناصر : امممممم قصدي الشبكه
عبد الله : لااااا العب غيرها
ناصر : بالعربي الفصيح لاتقول وانتهينا
عبد الله : على شرط
ناصر وخايف من الشرط : تامر امر
عبد الله : ابي 10 ريالات شهرياً
ناصر : ماطلبت شي ويوميا بعد ويقول في نفسه : صدق ماشفت خير
عبد الله : صج والله
ناصر : اي صج بعد وش تبي لكن لا تنسى
عبد الله شكله نسى : شنو
ناصر : الحمد لله نسيت
عبد الله : اي لا مانسيت اتذكر انك بتعطيني يوميا عشر ريالات
ناصر : الحمد لله والشكر
عبد الله : المفروض انا اللي اقول الحمد لله والشكر
ناصر : اي قول وكثر بعد
عبد الله وكأنه يتذكر : وين شرة اليوم
ناصر : انشاء الله الحين اعطيك عشرة اليوم ولا تزعل
عبد الله : هذا ناصر ولا بلاش
ناصر : افا عليك اظبطك
عبد الله : ولا تحلم بعد
ـــــــــــــــــــــــــــــــــــــــــــــــــــــــــــــــــ
في بيت ابو راكان في الصباح الساعه 30..10
وريف لابسة عباتها
ام اركان : على وين انشاء الله
وريف : معزومة عند بيت صديقتي اميمه
ام راكان : لاتتأخرين
وريف : انشاء الله يمه
ام راكان : ماتبين تفطرين
وريف : من ساعه اقول لك معزومه على فطور تقولين لي ماتبين تفطرين
ام راكان : اي نسيت
وريف : يالله يما مع السلامه
وطلعت من البيت
شذى : وين بتروح هذي
ام راكان : معزومه عن صديقاتها على الفطور
شذى : طيب خلاص
وركبت فوق
ام راكان : ماتبين تفطرين
شذى : لايمه مالي نفس
ام راكان : وليش انشاء الله
شذى : بعد شوي
ام راكان : براحتك
شذى : يالله يما انا بروح داري تبين شي ؟
ام راكان : لاسلامتك يما
عبد الله توه صاحي من النوم ومو من عوايده يسلم بس هالمره حلمان
عبد الله : السلام عليكم
ام راكان وراكان للحين مستغربين ان عبد الله يسلم
عبد الله : هيي قلت السلام عليكم
ام راكان وراكان : وعليكم السلام
ابو راكان صاحي من النوم
ابو راكان : صباح الخير
الكل : صباح النور
ابو راكان طالع
ام راكان : ابو راكان
ابو راكان : هلا
ام راكان : مافطرت
ابو راكان : بفطر بالدوام لأني متأخر وطلع
ــــــــــــــــــــــــــــــــــــــــــــــــــــــــــــــــــــ
في بيت ابو ناصر
ناصر راجع من الدوام
ناصر : السلام عليكم
ام ناصر : ومن متى انت تسلم اذا دخلت علينا
ناصر : اليوم غيييير
ام ناصر : بسم الله الرحمن الرحيم , ليش يعني اليوم غييير
ناصر : لأني قررت اتزووج
البندري : طع هذا وش يقول
ناصر : مو شغلك
ام ناصر : وي هذي الساعه المباركه مابغينا نشوفك عريس
البندري : انا مو شغلي
تجاهل سؤالها ناصر
ابو ناصر نازل من الدرج : ومن تعيسة الحظ اللي بتاخذها
ناصر : امي بتخطب لي
سعود : منو اللي قرر يتزوج
البندري : يعني منو شرايك انت
سعود : انتي
البندري : اسم الله علي انا ما بتزوج
ام ناصر :ناصر
ناصر : نعم يما
ام ناصر : تبي منو اخطب لك
ناصر : كيفك ابي وحده حلوه مو وحده حيا الله
ام ناصر : من عيوني هذي قبل هذي
ناصر : لا ما ابيهم عوايني احلى
رهف تطلع من دارها ماسكه المخده : منو خطبني
ام ناصر : روحي كملي نوم بعدها اجازه مافي مدرسه
رهف : رايحه الدار توها بتدخل
ابو ناصر : وين وين تروح تنام هذي الساعه 3 العصر نوم نوم حماره نوم
تثاوبت رهف بوجه ابوها وقال له
ررهف : مع السلامه تصبح على خير وانت من اهله
ابو ناصر : الحمد لله والشكر , روحي كملي فكينا لا ارتكب فيك جريمه ـ ههههههههههههههه
رهف : باي باي
وراحت نامت رهف
ناصر : ومتى بتخطبي لي يما
ام ناصر : انشاء الله بكره المغرب اخطب لك وريف بنت عمك
ناصر : حلوه
ام ناصر : تهبل
ناصر : اللي تشوفينه يما
ــــــــــــــــــــــــــــــــــــــــــــ
في بيت ابو راكان
ام راكان : وريف .... وريييييف ..... وريف
وريف : نعم يما
ام راكان : تجهزي وترتبي لبسي احلى ماعندك
وريف : المناسبه
ام راكان : اليوم المغرب جايينا ضيوووف
وريف : وانا وش دخلني اتجهز
ام راكان : انتي تجهزي وبعدين بتعرفي وش دخلك
وريف : انشاء الله
اام راكان : طعع هاذي للحين واقفه رووووحي تجهزي الحين الساعه 6 بيجونا الضيوف الساعه 7
وبين ما ام راكان تتكلم فتحت عيونها مالقت بيتها لأنها راحت تركض لما سمعت انهم الساعه سبع بيجون والحين الساعه 6
ام راكان : ههههههههههههههههههههههه راحت الغبيه صدقت الساعه 7 بيجون الساعه ثمان مو سبع
في جناح وريف
خلني اقول لكم اش سوت وريف بعمرها
الحين وريف جالسه بجناحها وخاربه الخزانه فوق تحت
البس هذا والا هذا وتقلب بالملابس واخيرا شافت اللبس المناسب اللي هو : بما انا الحين بموسم الشتاء طلعت لها وريف : تنوره بنيه لونها مابين الفاتح والغامق وهي شتويه قصيره عليها مربعات
يعني مربع فاتح ومربع غامق وبلوزه بيج صاير مثل الغامق شوي لكن البلوزه عاديه عليها قلبين بنيين وهلهوب بيجي عليه قلوب بنيه غامقه وبنيه فاتحه وقميص قصير حتى الاكمام قصيره والقميص صوف
ومبين عليه انه متين مره وقبعه مثل قبعة لميس لكن بنيه صوف حاطتها زينه مو عشان تدفيها بس عشان المظهر
المهم راحت الحمام اخذت شاور سريع ولبستهم وطلعت من الحمام وطلعت لها جنطه كبيره شوي بيجيه وعليها ورده بنيه غامقه
وحطت لها مكياج خفيف حلو صاير عليها واستشورت شعرها الطويل مدته مد وشالت بس قصتها بشباص اسود وحطت عطر شانيل وريحته فاقعه مره وطالع شكلها كيوت
ايه ونسيت حاجه لبست لها بعد بوت بني غامق على كل صفقه ورده بيجيه وبعدين شغلت الاب ودخلت منتديات وريف اللي هو منتداها وشافت المواضيع الجديده وطبعا منتداها بني لأنها تموت في اللون البني
المهم تكتب مواضيع وترد على مواضيع لين ماتنادي عليها امها بعدين وهي تكتب نست حاجه وتذكرتها الحين اللي هي الاكسسوارات قامت تركض ولبست لها اكسسوارت خفيفه مره ناعمه
والله كأنها رايحه عرس والا النظره الشرعيه المهم لما خلصت سمعت صوت الباب يدق
وريف : مييين
الشغاله ميري : مدام وريف ماما ام راكان تنادي على انتي يبغا انتي ينزل تحت
وريف : انشاء الله
وراحت الخدامه ميري طفت رهف الاب ونزلت
ام راكان : انا بدخل الحين المجلس وبعد ربع ساعه ادخلي
وريف: اوكيه ومرت الربع ساعه ومادخلت
وبعدين نادت عليها امها
ام راكان : رهف تعالي يما
وريف دخلت
وريف : السلام عليكم
وسلمت عليهم بهدوء وجلست جنب امها
ام ناصر : شخبارك نوف
وريف بحياء : بخير
ام ناصر : اموت انا عاللي يستحون
انقلب وجه وريف من ابيض الى احمر
شذى وعبد الله كانوا واقفين عند الباب يتمسخرون عليها
ام راكان : شفتي يا أم ناصر انقلب وجهها احمر الحين شاللي يخليه يرجع ابيض
ام ناصر : هههههههههههههههههههههههههههههههههههه
ام راكان : هههههههههههههههههههههههههههههههههههههه
قامت وريف من الحيا وطلعت
ام راكان : ماقعدتي شي يمااا وريف
وريف : يما بروح الحمام
ام راكان : ماتقدرين تأجلين روحة الحمام
ام ناصر : خلها تروح انا اصلا ابيك بموضوع
طلعت وريف
ام راكان : خير انشاء الله يا ام ناصر
ام ناصر : خيير
ام راكان : انشاء الله خير
ام ناصر : بقول اللي عندي بدون مقدمات ابي اخطب بنتك وريف لولدي ناصر
ام راكان : وي هذي الساعه المباركه انا عن نفسي موافقه لكن باخذ راي البنت وابوها
ام ناصر : اخذوا راحتكم
ام راكان : والله انك فرحتيني يا ام ناصر
ام ناصر : يالله فمان الله
ام راكان : فمان الكريم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثاني انشاء الله بينزل تاريخ 21 / 12 / 1431 هـ

وانشاء الله تعجبكم الروايه
تحياتي مـــلاك
الرجوع الى أعلى الصفحة اذهب الى الأسفل
 
رواية جرح زمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الفراشة :: ~*¤ô§ô¤*~المنــــــتديات العامــــــــــــــــــــــــــــــــــــــــــــه~*¤ô§ô¤*~ :: منتدى القصص والروايات-
انتقل الى: